كـوفـي كـب كيـك

.......

مقادير الكيك :: 4 بيضات ../.. 1 ونصف كوب سكر ../.. نصف كوب زيت ../.. 2 كوب دقيق ../.. 1 م ك بيكنج باودر ../.. 2 م ك نسكافيه ../.. كوب حليب

الطريقه :: نخلط البيض والسكر لغاية ماتثقل وتبيض بعدين نضيف الزيت وقت الخلط

نخلط المواد الجافه لحال ونضيفها بالتناوب مع الحليب على خليط البيض

نلبس قوالب الكب كيك بالورق ونحط عليه شوي من الخليط وندخلهم الفرن مثل الكيك العادي

 

بعد ماتطلع نتركها شوي تبرد ونجهز الخلطه اللي فوق

المقادير :: علبة قشطة ../.. 2 م ك نسكافيه ../.. 1 دريم ويب ../.. ثلثين اصبع زبده مذوب

نخلط هالمقادير سوا زين حتى تتجانس بعدين نضيف عليهم سكر بودره مقداره حسب الرغبه

يعني حطي سكر بودره وذوقي لغاية ماتوصلين درجه الحلا اللي تبين ، بس حطي براسك بتحتاجين اكثر من كوب من السكر وخليها حاليه افضل

 

جيبي الكيك بعد مايبرد وجيبي مصاص العصير وسوي فيه فتحات بالكيك حتى تدخل الخلطه جوا

وشربيهم بالخلطه وكلما طلعت الفتحات ارجعي عبيها وبعدين دخليهم الثلاجه يبردون زين

 

اخفقي شوي من كريمة الخفق ولما تثقل حطي عليها من خلطة النسكافيه وقلبي شوي شوي بالملعقه

وبقمع التزيين صلحي الكيك من فوق ورشي شوي نسكافيه وقدمي اطلق كب كيك بالدنيا

 

.....

حـلا الكـاسـات

....

الطبقه الأولى :: علبة بسكوت شاي مطحون ../.. علبة قشطه ../.. فنجان شاي ماء ../.. فنجان قهوه سكر بودره ../.. ظرف كريم كراميل

اخلطيهم سوا وحطيهم بالكاسات

 

الطبقه الثانيه :: 3 مارس ../.. 3 سنكرس

سخنيها شوي بالمايكروويف حتى يسهل خلطها

بعدين اخلطيها بالخلاط مع : علبة قشطه .. وصبي شوي فوق الطبقه الاولى

 

الطبقة الثالثه :: 6 حبات جبن كيري ../.. علبة نستله كبيره

تخلط بالخلاط وعالكاسات ودخليهم بالثلاجه لوقت التقديم

 

وتزين بالشكولاته المبشوره .. وبالعااااااااااااافيه

......

ميني تشيز كيك

....

ارقى حلا ممكن تسوينه مظهرا وطعما .. ومرررررررره سهل وممتع

نجي للبدايه

قوالب بليسيه دهنتها بشكولاته مذوبه بحمام مائي -اخلط دارك تشاكلت مع جالكسي -

هذي القوالب عاملتهم من فتره متى ماشفت روحي فاضيه وطفشانه سويتهم وحطيتهم بالفريزر لحد ماتجمد واصفهم بعلبه وبالثلاجه او الفريزر ماتتغير ..

ومررررره حلو لو يجيك ضيوف فجأه او كنت تعبانه او متعيجزه مرررررره تحل ازمه بس طلعيهم وسوي اي خلطه مكوناتها عندك وجمليها بحيا الله شي وتطلع خرافه

مقادير التشيز

8كيري - او علبة جبنه فيلادلفيا - ../.. 1 ك كريمه خفق ../.. نصف ك سكر بودره ../.. نصف علبه جيلي ليمون

تخلط بالخلاط مع بعض حتى تثقل وتوضع عالقوالب .. وبالثلاجه حتى تبرد

 

نجي للتغطيه .. عاد تفنني انتي واللي تحبين

جميع انواع الباي فيلينق ممكن تستخدم ../.. ممكن نوتيلا ../.. ممكن اوريو مطحون ../.. ممكن ام اند امز

انا هنا استخدمت 3 انواع تغطيه

1/ باي فيلينق بلو بيري

2/ تغطية بالكرز



1 ظرف جيلي كرز





انا هنا مستخدمه تانج بس لو بتحصلين قودي ألذ بكثييييير وطعم الكرز فيها مره باين



ممكن تستبدلينه بجيلي فراوله بس بيروح التميز بالطعم لان الكرز يعطيه نكهه وريحه خطيييييييره



1 م ك نشاء



1/4 ربع كوب فيمتو يعطي اللقاء حلاوتو



1 كوب ماء



حركيهم عالنار حتى تبدا تغلي وبعدين على طول شيليهم



واتركيه شوي يفتر بس مع التحريك حتى مايجمد او يكوّن طبقه من فوق





 

3/ خلطه المانجو .. واللي بعد ذاك اليوم اعتمدتها للتشيز كيك بكل انواعه لانها طلعت بطلللللللللللله

ومقاديرها كالتالي :

3م نشا مع نصف كوب مويه مع 2 ك عصير مانجو تحرك على النار حتى يغلي

وتترك تبرد شوي حتى تثقل

نطلع التشيز كيك من الثلاجه ونزينه بالتغطيات اللي عندنا

 

ونقدمه وبالعاااااااااااااااااااااااااااااااااافيه

 

......

سلطة المكرونة

-------

نحتاج /



المعلبات > > ذرة + فاصوليا حمراء + حمص



مكعبات صغيرة خيار



بازيلاء " افضل المجمده "



جزر مكعبات او مبشور حسب رغبتك < انا سويته مكعبات وسلقته شوي مع البازيلاء



خس مقطع



مكرونة مسلوقة



توست مقطع ومحمص في الفرن ..



الصوص/ ~



لبن زبادي كبير



وملعقتان مايونيز



شوية ليمون .. لآآتكثروون ... لأن الزبادي فيه حموضه حطو مررره قليل تقريبا ملعقة صغيرة



ملح + فلفل + أوريغانو .. واي بهارات تحبين تضيفينها للسلطة



ونخلللللط



وتقدمينها وبالعافي

ميني تشيز كيك

******

المقادير الطبقه( 1)

بسكوت مطحون تقريباً بكت واحد كبير

2ملعقة طعام قشطة التاج

ثلاث ارباع اصبع زبده

نخلطهم مع بعض لين ما يصيرو عجينه

ونحطهم بورق بلاسيه ونحطهم بصياني الكب كيك الصغيره

ونحاول نفرغهم من جوى



(2)

الحشوه

تقدرين تحشينها الي تبين

توكس

سنكر

جلكسي

بعد ما تقطعينها لقطع صغيره

انا هنا حشيتها تويكس



(3)

بعده تصبين عليها ملعقه صغيره من

( التوفي نستله)

طريقته تطبخين النستله+ مع كمية مويه تقريباً ضعفه بقدر لمدة نص ساعه حتى يتكرمل

وتحطين ملعقه صغيره على كل قطعه



"

(4)



نستله + كيري

وتصبينه فوقه

وتدخلينه الفرن لمدة عشر دقايق بس لين ماتتماسك الطبقه الي فوق

بعدها زينيها بالهرشي او الفراوله او الاوريو

تشيز كيك اوريو

....

 

كرتون أوريو 6 حبات مطحونه للقاعده او اكثر حسب رغبتك



3كاسات ::كريمة خفق ((وانأ أفضل المراعي الطازجة ))

2 دريم ويب



2 جبنه فيلادلفيا (( أنا هنا جربت بوك برضو ممتازة))



2 ملعقة اكل قشطه



نص كأس سكر مطحون

 

يطحن الاوريو باالمولينكس 

  

 

 نضع 2 ملعقة طعام قشطه على البسكويت



ونقوم بفركه ونرصه بصينيه التشيز كيك

هاذي الخطوة مره مهمه

نضرب الكريمة بالخلاط حتى تكون ثقيلة ممكن تجلسين ربع ساعة تخلطين لين تعطيك نتيجة مرضيه يعني تصير ثقيله

 

بعدها نضيف الجبنة +الدريم ويب+ السكر

 

ونخلطهم لحد ما يتجانسوا 

 

بعدين نضيفهم فوق الاوريو ونوزع بشويش

 

ونكسر فوقه اوريو

ونسقيه شوي هرشي سائل

ونحطه بالفريزر ساعتين

وبعدها نطلعها بالثلاجة لوقت التقديم

وكل ما طول بالثلاجة يكون أحسن

فيه اسهل من كذا ؟

ممكن تستخدمين الخلطه البيضاء لجميع انواع التشيز كيك التوت الفراوله

وتحطين بدل بسكوت الاريو ديجاستف..

وهنا وقت التقديم

ومره سويته بصينيه مربعه

 

 

~ Elegant Dessert

....

~ المقاديـر ...

كوكيز او بسكوت دايجستف - يعتمد عالحجم اللي تبغينه

3 أظرف دريم ويب

5 حبات جبن كيري

4 علب قشطة طازجة

1 علبة نستله كبيره

1 فنجال شاي حليب سايل

1 م ص جيلاتين مذوبه بنصف فنجال الشاي مويه حاره

مكسرات مجروشه

قرفه

جاناش

~ الطريقهـ ...

نبدا بتجهيز القوالب ، وافضل انه تجهزينها قبل بكم يوم لما تكونين فاضيه

جيبيهم عند التلفزيون واشتغلي << صارت حصة فنيه

جيبي القطاعات الدائريه ، لقيت الكبيره على حجم الدايجستف والصغيره على حجم الكوكيز :

قطعي قصدير لقطع مستطيله واثنيه بالنصف علشان يثقل ولفيه عالقطاعه ولصقي الاطراف

مثل ماتشوفون بالصوره

 

سبق وجربتها بورق زبده ماضبط ..

ممكن تقولون ليه هالحوسه ، ليه مانحطها بصينيه ونقطعها بالقطاعات وبلا هالسواليف

راح اقولك لك ليه ، لانه الحلا مو مره متماسك فصعب تقطيعه بالقطاعه

جيبي البسكوت او الكوكيز - على حسب الحجم اللي انتي راغبته -

بس افضل الكوكيز لان الحلا ثقيل شوي ماينفع قطع كبار ،،

وادهنيه بشوي حليب سايل او مويه ونسكافيه او حتى عصير برتقال جاهز للناس اللي يحبون الطعم الغريب

بس علشان يترطب شوي ، وحطي عليه دوائر القصدير ..

اخلطي مقادير الخلطه البيضاء كلها بالعجانه او بالخلاط اليدوي الكهربائي حتى تتجانس

وصبيها عالكوكيز وضبطيها من فوق بحيث تكون مستويه ودخليهم الثلاجه يبردون وقت طويل

نجي للحشوه اللي فوق ،،

ممكن تحطين اي شي ترغبين فيه

كل انواع الباي فيلينق تبع التشيز كيك تمشي ..

بس بالنسبه لي ألذ حشوه حسيتها ماشيه معاه ومعطيته نكهه جديده

انه تجيبين مكسرات مجروشه - انا استخدمت جوز البقان -

واخلطيها مع قرفه مطحونه ورشيها عالوجه

 

 

نجهز الحين الجانـاش ::

افرمي 100 جرام شكولاته خام غامقه لقطع صغيره

سخني نصف كوب قشطة خفق عالنار الين ماتشوفين اطرافها بدت تغلي

شيليها طوالي من النار وحطي عليها الشكولاته وحركي لغاية ماتذوب الشكولاته تماما

 

بعدين اتركيه يبرد شوي وصبيه فوق المكسرات

ورجعي الحلا الثلاجه لغاية وقت التقديم ..

لما تقدمينها شيلي القصدير عنها وتذوقي الطعم الرائع وبالعاااااااافيهـ ,,,,,,,

 

.....

Individual Strawberry Cheesecakes

....

~ المقاديـر ...

بالاكواب المعياريهـ ...

الكميه تكفي 6 قوالب قصدير ...

علبه وربع بسكوت دايجستف او علبة بسكوت شاي

1 م ص سكر بني

زيت + ماء

علبه ونصف صغيره جبنة فيلادلفيا

- ومايصلح تستبدلينها بكيري لانه ثقيل فبيبين طعمه بقوه -

ثلثين كوب ساور كريم - كريما حامضه - تجي بعلب زي الزبادي بالثلاجات تحصولنهم من شركة ندى

- اذا ماعندك ممكن تستبدلين المقدار بثلث كوب لبنه + ثلث كوب قشطة خفق لكن ماراح تعطيك الطعم نفسه -

1 كوب سكر بودره

شوي فانيليا

نصف ملعقه صغيره جيلاتين مذوبه بشوووي مويه حاره

ست حبات فراوله طازجه

زيادة فراوله للتزيين

~ الطريقهـ ...

سخني الفرن لـ 350 ..

طريقتي دائما ببسكوت التشيز كيك واللي تطلع لذيذه وماتتفتت ولا كأنها حجر قاسيه

اخلط كمية البسكوت المذكوره والسكر البني ،،

واجيب فنجال الشاي اعبي ثلثينه بالزيت والثلث الباقي مويه واصبه عالبسكوت واخلطهم زين

جيبي صحون القصدير الصغار وابدأي عبيهم بالبسكوت واضغطي عالاطراف الين مايتشكل على شكل القالب

ورتبي الحوايف زي ماتشوفون ::

 

ودخليهم الفرن من 5 الى 10 دقايق وطلعيهم واتركيهم يبردون ،،

- هالخطوه ممكن تسوينها قبل بيومين وبعد مايبرد البسكوت غطيه زين واتركيه بمكان جاف ماراح يتغير -

الحشوهـ ::

قطعي الفراوله قطع صغيره مره ، ان كانت لينه اهرسيهم بعد التقطيع بالشوكه

وان كانت قاسيه حطيهم بخلاط المولينكس الصغير بس ضغطتين علشان تنهرس شوي مو مره تصير مربى انتبهي

بالخلاط الكهربائي اليدوي اخلطي : الجبن والساور كريم والسكر والفانيليا

لغايه مايختلطون زين بعدين اضيفي الفراوله واخلطي واخيرا الجيلاتين المذوب

وبعد ماتتجانس غلفيهم ودخليهم الثلاجه لحد ماتجمد تمام ،،،

- هذي الخطوه تقدرين تجهزينها من الليله اللي قبل -

 

قبل التقديم بوقت مايكون طويل جيبي القوالب وجيبي مغرفة الايس كريم

وكوب فيه ماء حار وخلطة التشيز

وغطي المغرفه بالمويه حتى تسخن واغرفي من التشيز وحطي بالقوالب

وزينيهم بالفراوله وادهنيها بشوي مربى مخفف بمويه علشان تلمع وارجعي دخليها الثلاجه تجمد

وقدميها وبالعااااافيهـ ,,,,,,

 

.....

تشـاينيـز نودلـز

....

~ المقاديـر ...

فلفل بارد

فاصوليا

بصل اخضر

جزر

صدور دجاج من دون عظم

نودلز - انا استخدمت الفتوتشيني اللي تجي شرايط مو كور

 

~ مقاديـر الصوص ...

2 م ك صلصة طماطم

1 م ص شطة حلواني المطحونه بالزيت

شوي مويه

2 م ك صوص صويا حلو

2 م ك صوص صويا مالح

وهذي صورتهم ::

~ الطريقهـ ...

اسلقي النودلز بمويه وملح وشوي زيت ،،،

قطعي الدجاج والخضار لشرائح رفيعه

بعدين احمسي الدجاج بشوي زيت لغاية ماينضج وحطي عليه الخضار وقلبيهم وتبليهم

بملح وبهارات

اخلطي مقادير الصوص سوا وصبيهم عالخضار وقلبي ::

 

وبعدها اضيفي النودلز

وخليهم عشر دقايق عالنار سوا يتسبكون

وبس ولاااااا اسهل

وعند التقديم رشيها بسمسم محمص وبالعاااااافيهـ ,,,,,,

 

....

سلطـة طبقـات المكـرونـهـ

.....

~ المقاديـر ...

مكرونه صغار مسلوقه بمويه وملح وشوي زيت

بصل اخضر مقطع صغار

جزر مبشور

ذره

شبت للزينه

~ مقاديـر الدريسنـق ...

علبة زبادي

4 م ك مايونيز

عصير ليمونه

فص ثوم مهروس

ملح - خل - كمون - زيت زيتون

نعناع ناشف

~ الطريقهـ ...

اخلطي مقادير الدريسنق سوا واذا حسيتيها ثقيله ممكن تزيدينها شوي حليب سايل يخففها

بعد ماتنسلق المكرونه وتصفينها من المويه حطي عليها شوي من الدريسنق وقلبيهم مع بعض واتركيها تبرد شوي ...

بصحن التقديم وقبل التقديم طوالي لاتخلينها تتأخر حطي الطبقات ::

بصل اخضر

مكرونه

جزر مبشور

ذره

الدريسنق

وزينيها بالشبت وبالعااااااافيهـ

 

....