سـوفليـه الشكولاتـه

...





المقـاديـر ::





كيك بيتي كروكر بالشكولاته السوداء او شكولاته بالحليب ماتفرق



بيض + زيت + ماء مثل ماهو مكتوب عالكرتون



نوتيلا



كريمة بيتي كروكر بالشكولاته











الطـريقـه ::



اخلطي نوتيلا مع كريمه بيتي كروكر الشكولاته الكميات اللي تحبين <== بس كثري النوتيلا



بتلاحظين انهم بيثقلون مره مع الخلط فياسخنيهم شوي بالمايكروويف او حطيهم على حمام مائي حتى يسيحون



اعملي خليط الكيك مثل ماهو مكتوب عالكرتون



صبي خليط الكيك بقوالب السوفليه - ثلثها تقريبا -



 

 ودخليهم الفرن 10 دقايق بس





طلعيهم من الفرن وحطي بوسط كل واحد ملعقه من خليط النوتيلا او اكثر

 

عبي باقي صحون السوفليه بباقي خليط الكيك ورجعيهم للفرن 10 دقايق من تحت وحمريهم من فوق وطلعيهم

التقديم انتِ ورغبتك ،، يارشي سكر بودره او حطي عليه ملعقة ايس كريم

وتذوقي اروع مزيج شكولاته بالعالم











هنا بالسكر البودره

 

شوفي من جوا كيف العذاب

النوتيلا معطيته طعم خرااااافي

وهنا مع الايس كريم

واحلى مافيه يابنات





اذا بقى من القوالب شي ما اكلتوه غلفيهم ببلاستيك ودخليهم بالفريزر ووقت ماتحتاجينه طلعيه



وخليه شوي ياخذ حرارة الغرفه بعدها سخنيه بالمايكروويف بتلاقينه كأنه توه مصلح



بتلاحظين انه اذا دخلتيه الفرزير بيهبط من فوق بس بمجرد ماتسخنينه بيرجع ينتفخ



وبالعااااااااااااااافيه عليكم ،،











ملاااااااااااااااااااااااااااااااااااااااااحظـه ::



ترى كمية السوفليه اذا بتعملين الخليط كله بتكون مره كثيره



انا غالبا اخذ نصف مقدار الخليط والنصف الثاني اغلفه زين واخليه بالدولاب حتى احتاجه مره ثانيه مايتغير



والمقدار اللي ورا الكرتون اقسمه بالنصف ،

واذا كان المطلوب ثلاث بيضات احط ثنتين لان بيضنا صغار ،،

وهالمقدار يكفي مثل ماشفتوا بالصوره لما طلعتهم من الفرن

اربعه قوالب كبار وثلاثه صغار





.....