المولتن كيك

مهم جدا في طريقة الضبط درجة حرارة الفرن

آحيانا إذا زادت آستوى اللب وصارت معاك كيكة

يعني مهم جدا ان الاطراف تنضج واللب يبقى سايل

المقادير :

240 غرام شوكلاته محلاه

150 غرام زبدة مقطعة الى مكعبات صغيرة

اربع بيضات

2،5 م ك دقيق كويتي

1 م ك شوكلاته بودرة

2م ص فانيلا

1م ك نسكافة

الطريقة :

نضع لوح الشوكلاته والزبدة في قدر ونضعهم في حمام مائى ونتركها على جنب تبرد

نخفق البيض مع السكر لمدة 7 دقائق تقريبا حتى يذوب السكر ثم نضيف القهوة والشوكلاته والدقيق والفانيلا ونوصل الخفق حتى يتجانس الخليط تقريبا 2 دقيقة

نضيف الشوكلاته الذايبه الى الخليط ونستمر في الخفق حتى مايتقعد الى خمس دقائق الخفق مهم في نجاحها

جهزي القوالب ودهنيها بشوية زبدة وغبريها بشوكلاته بودرة

ضعي الخليط في القوالب المدهونة

ثم ضعيها تبرد قليلا قبل إدخالها للفرن لاننا نريد ان تنضج الاطراف ويبقى اللب سائل

إخبزيها لمدة 12 دقيقة على درجة حرارة 375

إذا حابه تجربين في قالب واحد حتى تتاكدين من الفرن ودرجة حرارته

آتركيها تبرد قبل إخراجها من القوالب

وغطيها بشوية سكر مطحون للتجميل

فيلية الدجاج بالخلطة

المقادير

:3صدور دجاج،1بطاطس مسلوقة ومبشورة،3حبات نقانق مقطعة مكعبات صغيرة،1كاس جبن موزاريلا

1بصل أخضر مفروم،نصف ملعقة صغيرة مفروم ،فلفل اسود،ملح،بيضة،2ملعقة كبيرة زبدة

مقادير تتبيلة الدجاج:

:علبة زبادي،بصل صغير مبشور،نصف ملعقة ثوم مهروس،رشة بهار حلو،فلفل أسود،قرفة،ملح

بقسماط،طحين،بيضة

صلصة المشروم:

كاس كريمة خفق،2ملعقة زبادي،نصف كاس مشروم شرايح،2ملعقة كبيرة زبدة،2ملعقة صغيرة صويا،رشة ثوم بودرة،بصلة صغيرة مفرومة

الطريقة:

ـ ندق صدور الدجاج بالمطرقة..حتى تكون رقيقة شوي ثم نخلطة بالتتبيلة

والافضل تترك ليلة كاملة

ـ نقلب الدجاج بالدقيق ثم البيض المخفوق ثم البقسماط..وتترك في الفريزر مدة ساعة على الاقل

حتى تتماسك.

ـ نخلط البطاطس والنقانق والجبن وباقي المقادير ماعدا الزبدة

ـ نقلي الدجاج حتى تنضج..ثم نوزع خليط البطاطس ونضع على كل قطعة من الدجاج

من الزبدة..وندخلها الفرن من أعلى..حتى يذوب الجبن..

ـلعمل صلصة المشروم:

نذوب الزبدة في مقلاة ثم نضيف البصل حتى يشقر ثم نضيف الثوم

وقطع المشروم ونقلب الخليط ثم نضيف الكريمة والزبادي..وتترك دقيقتين ثم نطفي النار

ـ عند التقديم..يسكب مقدار من صلصة المشروم فوق قطع الدجاج..وبالعااافية

جربوها ..تراها ألييييمة..

 

 

صلصة الرانش

ربع كاس مايونيز

ملعقتين زبادي

ملعقة صغيرة خل

نصف ملعقة صغيرة سكر

رشة (اوريغانو،بصل بودرة،ثوم ،ملح،بودرة،فلفل ابيض،ملعقتين ماء دافي،ملعقة كبيرة زبدة)

قهوة المالتيزرز

المقادير:

كوب حليب

م وسط سكر

م كبيرة نسكافية

مالتيزرز

مارشميلو وكريمة مخفوقه للزينة

الطريقة:

نغلي الحليب على النار مع السكر والنسكافية و5 حبات مالتيزرز ونخليها الين يغلي الحليب وتذوب الشوكولاته بعد كذا نخلطهم في الخلاط ونصبهم في الاكواب ونزينهم بالكريمه والمارشميلو وحبات المالتيزرز وتقدم.

Ornaments cups

المقآدير ،:

بسكوت جوزآ مطحون ،

توفي ، [ سكر + قشطه على النآر ] ،

كريمة خفق ،

قشطه + سكر بودره ،

وشوي نسكآفيه ،

هرشـي سآيل ،

واوريو للتزين ،

 

الطريقـه ،:

الطبقه الاولى : بسكوت جوزآ المطحون ،

الطبقه الثآنيه : التوفـي ،

الطبقه الثآلثه : بالخلاط : كريمه الخفق + القشطه + سكر البودره + النسكآفيه ،

الطبقه الرآبعه : الهرشي ، والاوريوآ ،

وعوآفي ،

باستا بمكس الاجبان والشبت

بعد ماتسلقين الباستا جيبي قدر وحطي فيه كريمه خفق >> ادمان في كل شي ندخلها

تقريبا نص علبه او علبه بمزاجتس وشوي فلفل اسود واوريقانو

وحطو اي جبن مبشور موزريلا وتشيدر وبرميزان خلوها تاخذ مع بعض غلوه ثم اضيفو لها شبت وانكبوها ع الباستا وحركو شوي وقدموها بالعافيه والهنا

دجاج مسحب بالقشطه

اسلقي الدجاجه وسحبيها من العظم وقطعيها صغار ثم افرديها في البايركس هذي الطبقه الاولى

بعدين احمسي في مقلاه بصلتين مقطعه صغار مع زيت او زبده ثم اضيفي 3فصوص ثوم مهروس

وحبه فلفل رومي مقطع و نص علبه ذره وم ص بهارات ثم افردي هالخليط ع الدجاج

حطي ف الخلاط

علبه قشطه وملعقيتن جبن سايل وكبيه ع الصينيه ورشيها بموزريلا حطيها الفرن الين تميييييع او تذوووب

قدمهيا مع خبز عربي وعصير واذا تبين وفيتس حيل قطعي سلطه وبالعافيه

فطيرة البيتزا

مقادير العجينه:

3 ك دقيق../.. 1بيضه مخفوقه../..نصف ك زبادي../..اصبع وربع زبده مذوبه



الطريقه :السوائل تخلط مع بعض

وتضاف للدقيق وتعجن جيدا ، انا احتجت زياده سائل فاضفت شوي لبن وانا اعجن

واقسميها قسمين او ثلاثه حسب ماتحبين حجم الفطيره

- انا هنا عامله مقدار ونصف - واتركيها ترتاح 10 دقايق وافرديها بس خليها مرررررره نحيفه

الحشوات:

1/ تدهن بمايونيز.../..نصف عليها شرائح ديك رومي../..يرش عليها شوي فلفل رومي../..وشوي زيتون اخضر../..وجبنة موزاريللا

2/ تدهن بصلصة البيتزا../.. يحمر شرائح بيكن الديك الرومي بشوي زيت وتوضع عالصلصه

ترش بفلفل رومي شرائح../..وبصل ابيض شرائح

وزيتون اسود شرائح../.. - واذا حابه فطر -../..وجبن موزاريللا

بعد ماننتهي من الحشوات طبعا مثل الصور نكون عاملينهم على نصف العجينه ،نطوي عليهم الجهه الثانيه وقفلي الاطراف باصبعك

انقليهم لصينية الفرن ورشيهم بشوي سميد

دخليهم الفرن لحد ماتتحمر من تحت

- لا تستعجلين عليها بتاخذ شوي وقت -

وحمريها من فوق

وقدميها وبالعاااااااااااااااااااااااافيه

 

حلو بارد حار

المقادير:

كيكة جاهزه

1.قيمر

1.كريمة

6.آرو

الطريقــة:

1. نحط قصدي نضع الكيك بالقالب او الصحن او..

2. نذوب الكاكاوو (بحمام مائي) على قولتهوم ..أو بالماكروويف

3.نضيف القيمر OoO والكريمه..

نحط قصدي نضع الخليط فوق الكيك.. وندخله الفريزر لمدة ساعه او اكثر ..

الطبقه 2 والاخيره

المقادير & الطريقه:

نص كوب سكر

3بيضات ...بصوره حطيت بيضتين بس لازم 3

م.ص فانيلا

6.قطع جبنة كيري Or جبة فلاديفيا

وكلهوم بلخلاااااط ووبعديين فوق الكيك

آخر شيء

ندخله الفرن ربع ساعه بس ..لما يسير لونه اشقر اللون

نطلعه وونقول بسم الله و آممممممم وآآآمممم

و من جوا

كب كيك بحشوة الكابتشينو

نتبع نفس الخطوات اللي مكتوبه على الكرتون+ملعقه صغيرة كابتشيو

ونشربها بصوص الكابتشينو

عبارة عن

ظرف كابتشينو+فنجال مويه حار مذوب فيه سكر على حسب الرغبه

أضيف عليها بعد ماتبرد كريمه خفق بمقدار نص كاس تقريبآ

مرة حلوة

وانثر عليها كاكاو بودرة او قرفه ترى يعطيها طعم

كب كيك بحشوة القرفه

نتبع طريقة الكيك الجاهز المكتوبه +ملعقه قرفه

ونشربها بصوص القرفه عباره عن

كاس سكر اسمر+كاس مويه على النار لين يذوب

نضيف قطعتين زبدة صغيرة ونخليها تغلي

وبعدين نضيف فانيلا سايله ملعقتين كبيرة

وملعقتين الى ثلاث ملاعق صغيرة قرفه+ 3ملاعق كريمه خفق

وخليها على النار لين تثقل

من جد اليمه

اضفت على الكريمه من الخلطه وذريت عليها قرفه

وهذي من جوا

ميني تشيز كيك

طبعآ تغلفينها من تحت بجلاد

وتحطين القاعدة فيها

المقادير:

تقطعين كيك بشكل دائري على مقاس العلبه<<<كيك جاهز او اللي تسوينه او بسكوت

وتحطينه بالقاعدة نصيحه لاتخلينه سخيف مرة خليه عادي

الطبقه الثانيه

3 ظرف جيلآتين شفاف مذوبه في 3 بيالات مويه حارة

كوب حليب سائل

4 ظرف دريم ويب

4 حبات جبن كيري

علبة جبن فيلاديلفيا

علبة حليب نستله

علبه قشطه

نخلط الحليب مع الدريم ويب لين تصير كريما

وبعدها تضيف الجبن والنستله والقشطه ونخلط لين يدوخ وبعدين نضيف الجيلاتين المذوب

طبعآ لازم الجيلاتين يبرد يعني لاتصبينه حار

وتزينينه باللي عندك

ملونات طعام او كريم كراميل او جلي او شاكلت او اي اضافات تحبينها

لاتسوون زيي قلت 3 جيلاتين كثيرة واخذت وحدة بس والله فترة وماعت

بالفريزر لين تتماسك بعدين حطيها بالثلاجه لوقت التقديم

وبالعافيه

فطيره الفيلادلفيا

المقادير:

2 كاس دقيق

كاس الا ربع زبده

كاس سكر بودرة

نص كاس لبنه

ملعقه بكنج بودر

بيضه

علبه جبن فيلادلفيا

ربع كاس سكر بودرة

بيضه

نص كاس مربى

الدقيق+كاس سكر+الزبده<<<تعجن

نأخذ نص كاس منها ونخليه على جنب

وناخذ الباقي ونضيف عليه

لبنه+بيضه+بيكنج بودر<<<وتعجن باليد

تفرد العجينه في صينيه التارت

نغززها بالشوكه عشان ماتنتفش

نخلط بالخلاط:

جبن فيلادلفيا+ ربع كاس سكر+بيضه

ونصبها على التارت

ونوزع عليها المربى ويفضل بنكهه الفراوله

ونجيب الكاس اللي بقيناه على جنب

ونذرة فوق التارت

وندخلها الفرن من تحت لين تحمر يمكن 45 دقيقه

ونحمرها من فوق شوي بس

وبالعافيه

حلى الكاسات

المقادير:

في القاعدة بسكوت مطحون مع شوي زبدة وشوي قشطه

الطبقه الثانيه

2 قشطه+4دريم ويب+جبنه فيلادلفيا كبير<<<ونقسمها

الطبقه الثالثه

ناخذ قسم من الطبقه الثانيه ونضيف عليه هيرشي

الطبقة الرابعه

ناخذ قسم من الطبقه الثانيه ونضيف بكت كريم كراميل و2 اصبع تويكس

الطبقه الخامسه

ناخذ قسم من الطبقه الثانيه ونضيف عليه جالكسي مذوب وهيرشي

ونزينه بكريمه بيتي كروكر

وبالعافيه

مولتن كيك

المقادير:

اصبع ونص زبدة

كوب ونص قطع شوكلاته<<<أنا أستخدمت شاكلت خام غامق مع جالكسي

نص كوب سكر

4 بيض

ربع كوب دقيق

ملعقه فانيلا

ملعقه كبيرة بودرة كاكاو

نولع في البدايه على الفرن لأننا نبيه حار

نذوب الزبدة والكاكاو بحمام مائي أول مايذوب ويتجانس نشيله من على النار

نخلط البيض مع السكر لين يمتزجون <<<بالملعقه

نضيف الفانيلا

ننخل الدقيق والكاكاو

ونضيفه على البيض تدريجيآ لين يصير عندنا خليط مثل الكيك

ندهن القوالب الصغيرة زيت

ونصب فيها لين ثلاثه أرباع القالب

وندخلها الفرن

لازم تكون الحرارة عاليه والفرن والع من فوق وتحت

وماتطول يمكن 10 دقايق أو أقل<<يعني خليك متابعه عشان يصير من جوا سايل

أول ماتطلعينها من الفرن دقيقتين واقلبيها

وتقدم دافيه

وبالعافيه

تشيز كيك سريع

المقادير:

الطبقه الاولى:

نص كاس سكر

نص كاس سميد ناعم

كاس مويه

كاس حليب سايل

فانيلا

نخلطها بالخلاط بعين على النار لين تتماسك

نحطها بالصينيه او قوالب او اللي تبين

الطبقه الثانيه:

بسكوت (شاهي او داجيستيف او ديمه بالزنجبيل) مجروش<<<يمديكم على الخيارات

الطبقه الثالثه:

كيس دريم ويب+ قشطه

الطبقه الرابعه:

فراوله

وممكن ترشين كاكاو عالوجه

وتدخلينه الثلاجه

طبعآ الكميه قليله

بس أنا ضاعفت الكميه

وبالعافيه

حلى الجبن

المقادير

3 كريم كراميل

3 ملاعق جبن سايل

علبه قشطه

3 ملاعق حليب بودره

كاس ماء

نخلطها بالخلاط وبعدين نحطها على النار لين تثقل شويتين

نصفه بصينيه بالتبادل مع بسكويت شاهي مغمس بمويه مذوبه فيه نسكافيه

وبالعافيه

كرات الكورن فليكس

المقادير:

كاس كورن فليكس مجروش

كاس جوز الهند

ربع كاس كيك امريكانا مفتفت

علبه حليب نستله

تعجن مع بعض وتكور وتغمس في كيك مفتت

<<قضى عندي الكيك

فصار بعضه مغمس بكيك وبعضه لا

تارت التفاح

المقادير

بيضه واحده بحرارة الغرفة

كوب سمن نباتي

فانيلا

نص كوب سكر

كوبين دقيق

3 ملاعق ماء دافيء

رشة ملح

الحشو:

4 حبات تفاح مقشر ومبشور

ربع كاس سكر

ملعقة زبده

رشة قرفه

الطريقه:

ترفع مقادير الحشو على النار حتى تجف عصارة التفاح..

يترك جانبا ليبرد

في هذه الأثناء حضري العجين..

نخلط جميع السوائل والسكر مع بعض ونخفقها حتى تتجانس

ثم نضيف الدقيق ونعجن حتى نحصل على عجينه لينه ومتماسكه..

لبسي قوالب التارت بالعجين وضعي قليل من الحشوة ثم غطي التارت..

أخبزيه في فرن متوسط الحرارة...حتى يشقر

اتركيه حتى يبرد ثم انزعيه من القوالب

رشيه بالسكر المطحون مع القرفه وقدميه مع القهوة...

تروفلز

المقادير:-

قشطة خفق 200غرام

شوكولاته مبروشه200غرام...يفضل اللي تكون نسبة الشوكلاته70%

>>أهم شي تكون المقادير متساويه

الطريقه...

ترفع الكريمه على النار الى الوصول لدرجة الغليان دون أن تغلي

يضاف الشوكولاته

وترفع عن النار...

حركي حتى يذوب..

توضع في الفريزر حتى تجمد

تكور ثم ترمى في مسحوق الكاكاو.

يمكن استبدال الشوكولاته بـ شوكلاته بيضاء

ميني تارت التمر

المقادير

بيضه واحده بحرارة الغرفة

كوب سمن نباتي(فارم أو كريسكو )

فانيلا

نص كوب سكر

2 كوب دقيق

3 ملاعق ماء دافيء

3 ملاعق ماء

رشة ملح

الحشو:

مقدار كاس من التمر منزوع النوى

ملعقة زبده

خليط الوجه

مقدار متساوي من:

قشطه وجبن كريمي وسكر .

الطريقه:

ترفع مقادير الحشو على النار حتى تتجانس..

يترك جانبا ليبرد

في هذه الأثناء حضري العجين..

نخلط جميع السوائل والسكر مع بعض ونخفقها حتى تتجانس

ثم نضيف الدقيق ونعجن حتى نحصل على عجينه لينه ومتماسكه..

لبسي قوالب التارت بالعجين وضعي قليل من الحشوة ..

أخبزيه في فرن متوسط الحرارة...حتى يشقر

اتركيه حتى يبرد ثم انزعيه من القوالب

أخلطي مقادير خليط الوجه وصبي قليل منها على كل حبه..

يقدم ساخن أو بارد.

أكواب الأوريو

هذا نفس طريقة كاسات الكراميل..بس مع شوية تغيير

الهيرشي كان أكثر كميه

المقادير..

توفي...مصنوع بطريقتك الاعتياديه..

بسكويت أوريو مطحون خشن

صوص شوكلاتة هيرشي الجاهز..

كريمة خفق مخفوقه ...مع السكر البودره..

رتبيهم بالتبادل بالكاسات

أكواب الـكاراميل

المقادير..

توفي...مصنوع بطريقتك الاعتياديه..

بسكويت دايجستيف مطحون خشن

صوص شوكلاتة هيرشي الجاهز..

كريمة خفق مخفوقه ...مع السكر البودره..

رتبيهم بالتبادل بالكاسات

بسكويت النوتيلا

المقادير :

1 و 1/2 كاس نوتيلا

4 م . ك كاكاو بودره

4 كاس طحين

3 و1/4 اصبع زبدة

بيضه

1 م .ص فانيليا

الطريقه :

ننخل الدقيق ونخلطه مع كل المقادير الين ماتتماسك

نفرد العجينه بصينيه فيها دقيق بعدين نقطعها بالقطعات

ونصفها بالصينيه ,, ندخلها الفرن ثلث ساعه

اذا برد البسكويت ندهنا بشكولاته نوتيلا ويحط فوقها بسكويت ثاني ,,

طعمه اليييم بشكل بس ترى تقطيعه شغلانه شوي

حلى كاسات المالتيزر

المقادير /

[ كيك شوكولاته او اي نوع .. 2 قشطة قيمر ]..

[ 4 قطع جبن كيري .. شوكولاته هيرشي ]..

[ 2 ظرف دريم ويب .. 1 كوب حليب بارد .. مالتيزر ] ..

الطريقه /

1- يقطع الكيك إلى مربعات ويوضع في قاع الكوب .. ثم نضع عليه قليل من الهيرشي ..

2- نكسر كيس مالتيزر ونضعه فوقه ..

3- نخلط الدريم ويب والحليب حتى تتكون كريمه كثيفه ..

4- بالخلاط نخلط القشطه وجبن الكيري ثم نضيف كيس مالتيزر حتى يمتزج وقليل من الهيرشي ..

5- نسكبها على خليط الدريم ويب ونخلطه بالملعقه ثم ندخلها بالفريزر لمدة 10 دقائق حتى تجمد ..

6- نسكبها بالكاسات ونزينها بحبات المالتيزر وندخلها الثلاجه حتى تتماسك ثم تقدم ..

التوست الفرنسي بطريقة مبتكرة

المقادير

من كيس ونص لكيسين توست

أنا بالعادة اسوي كيس ونص مقدار الخلطة ..

 

كاس قشطة خفق

2 بيض / فانيليا

م ك دقيق

2 م ك سكر

رشة ملح

نخلطها ونكون مجهزين التوست ومقطعينه زي مانحب

ونصب الخلطة عليه ..

الأفضل تكون ليله كامله والصباح يوم الخميس تصحين رايقه وتفطرين عليها

بس ساعات اكون مستعجله بس اشوفها سحبت الخلطه على طول ابدأ اسويها

التوست شرب كل الخلطة

نبدأ نسويها بمقلاة غير لاصقة بقطعة زبده

ملاحظة " النار ما تكون عاليه نبي البيض يستوي اللي جوا التوست

بعد كذا نخلط سكر بودره وقرفه ونحطها فيه بد القلي لى طول

كب كيك الشوكولاته بحشوة المارس والهيرشي

المقادير:

من نص الى 3/4 كاس حليب سايل

3/4 كاس زيت

كوب سكر وتراها موكثير لان بودرة الشوكولاته اللي بتحطينها كثيره وبتخلى الكيكه مره

شوي اذا ماحطيتي كوب كامل يعني كوب موكثير يصير حلاها متوسط وحلو

3 بيضات

7 ملاعق شوكولاته بودره

كوب وربع دقيق

ملعقه كبيرة باكنج بودر

ميني مارس الصغير كيسين تقريباً

خلطت البيض والسكر بعدين نخلت الدقيق والكاكاو مع بعض

وصرت أحطهم بالتناوب مع الحليب السايل ..

حطيتها بقوالب الكب كيك لحد النص او اقل تقريباً ثلثين وبعدين حطيت المارس

ورجعت غطيتها بشوية منخلطة الكيك مره ثانية ..

ندخلها الفرن ماتطول كثير واحنا ننتبه ما نخليها تطول علشان ماتنشف كثير

بعد ما نطلعها نكون مجهزين شوكولاته هيرشي بالقمع ونبدأ نحشي كل وحده من جوا

بالهيرشي تقريباً مقدار ملعقة كبيره أو أكثر<< كل ما كثر كان أحلى

بعدين نتركها على الشبك تبرد شوي وبعدها ندهنها بالتوفي " الكرامل "

خبركم مسوين عمليه << لازم نغطي فتحة السر

ونقدمها بأي شكل نحب